"Iyon ang dahilan kung bakit bumabalik at bumabalik pa rin si Angelo sa bahay n'yo kahit binasted mo na siya. Hindi dahil wala siyang pamilya sa Maynila, kundi dahil mahal ka pa niya."
Hindi nakasagot si Chas. Ganoon nga kaya? Kaya ba ikinokompara siya ng kaibigan sa asawa nito at hiniling pa sa harap niya na sana, siya na lang si Cathy?
"Bakit pumayag kang tumuloy tayo dito kahit sinabi pala sa 'yo nina Sandra at Cathy na uuwi din si Angelo dito? Kailan pa kayo nagkausap?" tanong niya.
"No'ng pumunta kayo ni Ryley sa opisina, kaaalis-alis lang ni Cathy noon. Tinawagan din ako ni Sandra para balaan ako tungkol sa 'yo. Nagtatalo ang isip at puso ko kung kanino ako maniniwala. Sa kanila o sa ipinaparamdam mo sa akin."
"Pumayag akong pumunta tayo dito because I want to make you happy, Cha
