TUMULOY PA rin si Brenna sa birthday party ng anak ni Sheryll kahit na hindi siya okay. Pagdating doon ay kaunti na lang ang bisita at karamihan ay puro adults na. Ilan lang ang kilala niya doon at karamihan ay may sari-sarili ng umpukan. Hindi niya alam kung sino sa mga ito ang sasamahan kaya ang ending ay mag-isa siya sa kitchen. Doon niya napiling tumambay dahil umiiwas siyang makihalubilo. Wala siya sa mood makipag kwentuhan kahit kanino. Okay naman siyang mag-isa habang umiinom ng wine.
"Sumipot ka nga hindi ka naman nakikipag-jamming sa'min. Okay ka lang ba? May aberya bang nangyari sa meeting mo kasama si Saga at ang board members?" Sunod-sunod na tanong ni Sheryll nang puntahan siya. Naroon din ito para kumuha pa ng alak na ise-serve sa mga bisita.
Tipid siyang ngumiti kasabay ng
