INILIBOT NI Brenna ang tingin sa lugar na kinaroroonan. Pamilyar ang lugar sa kanya. Biglang bumaha sa utak niya ang alaala limang taon na ang nakakaraan. Ito ang kubo kung saan niya iniwan si Saga. Dito rin niya paulit-ulit na sinambit ang pangalan ni Isagani habang inaangkin siya nito.
Ang lugar na 'yon ang naging saksi sa masayang alaala at sa malungkot dahil ito rin ang lugar na huli niyang nakasama ang binata dahil pagkatapos ay iniwan na niya ito.
Bumaba siya sa higaang kawayan at lumabas ng kubo. Doon ay nakita niya ang nakahubad na si Saga. Nakatalikod ito sa gawi niya at nakatuon ang atensyon nito sa lutuan na kahoy panggatong. Tuloy lang ito sa pagpaypay habang hinihipan ang makapal na usok.
Umupo siya sa mahabang silya na kahoy sa labas lang ng kubo at inilibot ang tingin sa
