ISINARA NI Brenna ang hawak na magazine at ibinalik sa ilalim ng coffee table saka siya tumayo. Lumabas siya sa veranda at lumanghap ng sariwang hangin. Mayamaya ay bumalik siya sa loob ng bahay at muling naupo sa couch.
Kinuha niya ang mga magazine na nasa ilalim ng coffee table at tiningnan 'yon isa-isa. Pero wala siyang nagustuhang basahin dahil lahat 'yon ay nakita na niya. Naiinis niyang inilapag 'yon sa tabi niya at napabuntong hininga.
Sa ganoong tagpo siya naabutan ng mommy niya. Lumapit ito dala ang mango juice at slice ng dark chocolate cake na ni-request niya.
"What's wrong?" Tanong nito nang mailapag ang meryenda niya.
"I'm bored to death, 'My." Tipid na sagot niya at kinuha ang baso ng mango juice at ininom 'yon.
"Do you want me to call your cousins?" anito.
"Meron din
