NAHIKAYAT si Brenna ng ina na magpa-ultrasound sa ospital. Sinabi nitong doon na lang gawin imbes na puntahan pa ang ob-gyne niya. Kaya kinabukasan din ay nagpa-schedule na siya.
Nasa loob na siya ng ultrasound room at nakahiga sa kama habang hinihintay ang pagdating ng gagawa ng nasabing procedure. Hindi na siya nasamahan ng mommy niya dahil kasalukuyan nitong inaayos ang bill. Sinabi kasi ng doktor na pwede na itong lumabas at magpahinga na lang sa bahay.
Hindi niya maiwasang masabik dahil ilang sandali na lang ay malalaman na niya ang gender ng baby niya. Sa oras na malaman niya ay sisimulan na niyang mag-isip ng pangalan. Sukat sa naisip ay napangiti siya.
Sumeryoso lang siya ng makitang may pumasok. Hindi niya agad nakita ang itsura nito dahil sa sahig siya nakatingin. Nang iangat
