MAAGANG pumasok sa opisina si Brenna para ipa-cancel ang meeting niya sa De Verdad Group of Companies. Pero hindi nagawang i-cancel ni Sheryll dahil naroon na si Saga at hinihintay siya.
Prente itong nakaupo sa couch habang umiinom ng kape. Mas maaga ito sa oras na pinag-usapan at hindi niya maiwasang magtaka kung bakit.
Nakangiting tumayo ang binata at sinalubong siya. Tinangka siya nitong yakapin pero umiwas siya. Nakita niya ang biglang pagbadha ng pagtataka sa mukha nito. Pero hindi ito nagsalita o nagtanong bagkus ay hinuli siya at ikinulong sa mga bisig nito.
Kumalma ka, Brenna. 'Wag kang iiyak sa harapan niya…
"I miss you." Bulong nito sa tainga niya at hinalikan siya sa pisngi. Kung wala pa siguro siyang alam sa tunay nitong pakay baka kinikilig na siya sa simpleng gesture nit
