DISASTER ANG unang attempt ni Brenna sa pagluluto. Kaya imbes na sa suite na lang sila kakain ay napilitan silang bumaba sa restaurant. Sinubukan pa ngang panindigan ni Saga na masarap ang luto niya. Pero hindi rin nito naitago ang pagngiwi kaya ang ending ay napuno ng tawanan ang buong kusina.
Masaya siya na kahit anong sama ng lasa ng niluto niya ay sinubukan pa rin nitong kainin.
"Anong gusto mong kainin?" Tanong niya sa nobyo habang ang atensyon ay nasa menu.
"Kahit ano na lang basta hindi sunog," pabirong sabi nito.
Napalabi naman siya pero pagkaraan ay napangiti rin kasabay ng pag-iling. "Kailangan ko na sigurong magpaturong magluto kay Tita Marissa. Para sa susunod na ipagluluto kita hindi mo na 'ko tawanan." Nakaingos na sabi niya.
Nagkibit-balikat naman ito at ngumiti. Pagkat
