"UMALIS KA na muna, hijo, please?" anang mommy ni Brenna sa kanya. Tumayo siya at taas noong hinarap ang mga ito.
"Humihingi po ako ng paumanhin sa nangyari sa anak niyo. Inaako ko po ang lahat ng kasalanan. Ano man po ang gusto niyong gawin sa'kin ay malugod kong tatanggapin." Seryosong saad niya.
"Gusto kong mawala ka na sa buhay ng anak ko dahil hindi ka nababagay sa kanya!" anang ama ng dalaga. Napatiim bagang siya sa narinig. Gusto niyang ipaalam dito kung ano na ang estado ng buhay niya. Pero imbes na gawin 'yon ay nanahimik na lang siya dahil hindi 'yon ang tamang oras at pagkakataon. Kailangan niyang isipin ang kapakanan ng anak at ng nobya. Kaya lulunukin niya ang pride kung 'yon ang kinakailangan.
"Saga, please, sa ibang pagkakataon mo na lang sila kausapin?" Nakikiusap na bul
