“Para ka kasing tuod. Bilisan mo na’ng kumilos at nang mabawi mo’ng asawa mo!”
“Mukhang feel na feel ni Cherrie ang matulog sa dati mong silid. Ngayon pa lamang, sinasabi ko na sa’yo Creed Evander, huwag mo na’ng papapasukin ulit sa pamamahay ko ang babaeng iyon. Alam na ngang may asawa kang tao at kaharap niya pa kanina, kung makalandi naman sa’yo.” nakaismid na sabi ni Nay Sandra. Saka ito bumaling sa kaniya.
“Huwag po kayong mag-alala, pangako po, babalik po ako dito bago lumipad pabalik ng Segovia.”
Ipinilig ni Iran ang kaniyang ulo. Makukulit ang mga ala-alang bumabalik sa kaniyang isipan after she went to the Morales. Kahit nang makabalik sila sa tinutuluyan nila'y walang sawa na umuukilkil sa kaniyang isipan ang mga narinig niya sa ina ni Creed.
Napapikit siya't napangiti ng
