Bitbit ang isang bucket ng Chickenjoy at isang balot ng peach mango pie, masayang pumasok si Ning sa mansyon kasunod si Rax. Nakalimutan na niya ang drama kanina sa highway dahil ang isip niya ay nasa gravy na.
"Sir, amoy Chickenjoy na ang sports car niyo, baka bukas lang ay puntahan na 'yan ng mga langgam!" tawa ni Ning habang naglalakad papasok.
Pero bago pa sila makarating sa kusina, sinalubong sila ni Manang Fe. Putla ang mukha nito at tila hindi malaman kung saan titingin.
"O, Manang! Gusto niyo ng hita o pakpak? Treat ni Bebeboi!" alok ni Ning.
"Ning... Rax... may bisita kayo sa sala," bulong ni Manang Fe na tila kinakabahan.
Napakunot ang noo ni Rax at dahan-dahang naglakad patungo sa main living room. Doon, nakaupo si Monica na may napakalapad na ngiti, tila ba nanalo sa loto.
