Sa wakas at nagawa rin naming tapusin ang pagpapakilala namin sa isa't-isa. Akala ko nga ay hindi na namin siya magagawa dahil halos kalahati ata ng oras napunta sa sagutan nina Hebbe at Lazuli dahil wala sa kanilang gustong magpatalo, lalong-lalo na si Lazuli. Habang nagsasagutan pa sila ay sinubukan ko pa ngang awatin at sabihin na okay na, na hindi na nila kailangang mag-away dahil sa nangyari. Hindi ko naman na pinapalaki pa ang sinabi sa akin ni Lazuli dahil alam kong hindi naman iyon totoo. Hindi ko lang talaga alam kung bakit pa nilang dalawa ayaw tumigil.
Nagsimula na kaming mag usap-usap sa kung paano namin gagawin ang mga bagay-bagay dito. Ibinahagi rin namin sa lahat kung ano 'yung mga pagkain at gamit na napunta sa amin at pinagsama-sama ang lahat para magamit ng iba. Kung gu
