ELISSA
"ZEUS! ATHENA!"
Narinig ko nang tawagin ni Xavier ang dalawang aso na inilabas niya mula sa kulungan. Tuwang-tuwa naman ang dalawang labrador na halos kasing laki na ni Xavier nang dambahan siya ng mga ito.
Kung gaano kabagsik tumahol sa akin ang dalawa noong bagong salta ako sa lugar na 'yon ay ganoon naman kalambing ang mga ito sa amo. Dumidila pa ang mga ito sa mukha ni Xavier.
"I missed you, good girl, good boy. Tara. Maggagala tayo ngayon."
Good girl. Natigilan ako sa ginagawang pagdidilig ng halaman. Bigla na namang umakyat ang kilabot sa aking katawan nang marinig ang mga katagang 'yon. Good girl. Iyon ang paulit-ulit niyang tawag sa akin noong nakaraan. Dalawang araw na ang lumipas mula nang 'malagim' na pangyayaring iyon sa kuwarto at magpahanggang ngayon ay hindi pa r
