Isang araw nang sunduin ko ang mga bata sa bahay nila Corrine ay nagkita kaming dalawa. Tapos si Lily lagi niyang sinasabi sa akin na ang laki raw nang tiyan ngayon ni Corrine.
"Kuya, ang takaw ni Ate Petchay ngayon, ang laki nang tiyan niya, ganito iyon nakita ko kanina!" Nanglalaking matang kuwento sa akin ni Lily habang binibihisan ko siya nang pantulog niyang damit. Ginagalaw-galaw niya pa ang kamay niya para ipaliwanag kung gaano kalaki ang tiyan ni Corrine. Napakunot noo naman ako sa bata.
"Ganiyan ba talaga kalaki ang tiyan niya?" Tanong ko sa bata sunod-sunod naman siyang tumango sa akin tapos umupo sa kama, umupo rin naman ako sa tabi niya.
"Nakita ko kanina, bakit ganoon Kuya? Kain din ako nang kain pero iyong tiyan ko hindi naman nalaki," curious na tanong niya sa akin. Napa
