PABOR kay Kenzo ang biglaang pag-aya ni Abigail sa kaniya na magpunta sa Balesin Island. Ang una niyang akala ay nais lang nitong magbakasyon pero nang malaman niya na naroon din pala sina Rhian ay Albert ay doon niya napagtanto ang gusto nitong gawin. Guguluhin nito ang masayang pagbabakasyon ng dalawa.
Kahit siya ay iyon ang gustong mangyari pero kailangan niyang magkunwari nang kaunti na tutol siya sa gagawin ni Abigail upang hindi ito makahalata sa kaniya. Sa oras kasi na malaman nito na meron silang nakaraan ni Rhian ay iyon na ang magiging katapusan ng lahat.
“Bakit hindi mo sinabi sa akin na nandito ang daddy at ang asawa niya? Akala ko ay tayong dalawa lang?” Iyon ang agad na tanong ni Kenzo sa nobya nang makapasok sila sa kanilang malaking kwarto.
“Talagang iyan ang una
