HINDI mo ako maloloko, Rhian. Alam kong nasasaktan ka! sigaw ng utak ni Kenzo habang nakatingin siya sa dating nobya na naantala ang pag-alis nito sa pool dahil kay Abigail.
Sa tagal ba naman nilang nagkasama nito ay imposibleng hindi pa niya ito kilala. Kahit hindi ito nagsasalita ay nararamdaman pa rin niya na mahal pa siya nito at pabor iyon sa kaniya. Mas magiging madali sa kaniya ang magantihan ito sa ginawa nitong pagtalikod sa kaniya.
Ipinangako niya iyon nang makalaya siya sa kulungan. Wala siyang ideya kung bakit bigla na lang siyang sinabihan na pwede na siyang lumabas ng kulungan. Hindi niya alam kung anong nangyari sa kaso niya.
Ang saya-saya pa niya noon dahil ang akala niya ay makakasama na niya si Rhian ngunit makalipas ang ilang buwan ay nakita niya sa isang busi
