MARIS POV
“Talaga, Dad? Papalitan na raw ang asawa ni Thalia sa kumpanya niya?” tanong ko habang nakatingin sa kanya, halatang sabik na marinig ang buong detalye.
Tumikhim muna si Dad bago sumagot. “Oo. Iyon ang sabi. Sa makalawa na gaganapin ang AF meeting. Sa isang hotel daw ito idaraos, at nandoon lahat ng stockholders at board of directors. Maging ang ilang business partners ay magiging saksi.”
Napakunot ang noo ko. “So… paano na ngayon? Kapag nangyari iyon, mawawalan na ng kayamanan ang asawa ni Thalia?”
Umiling si Mama na para bang mas alam niya ang buong sitwasyon. “Ano ka ba, Maris? Mayaman na dati ang asawa ni Thalia. Ang kumpanyang iyon, kanya lang sa parte niya. Iba pa ang pag-aari ng pamilya nila. Ang totoo, balita ko, mas malaki pa ang hawak ng ama at kuya niya sa negosyo
