"Armando tumayo ka diyan." Sita sa akin ni Justine tsaka hinawakan ako sa balikat.
"Mr. Myers umupo na ho kayo at mag usap tayo."
Tumayo ako mula sa pagkakaluhod at naghintay ng sasabihin niya. Lumapit siya sa table niya at naupo sa upuan.
"Bigyan mo ako ng magandang rason kung bakit kailangan mong malaman ang katotohanan."
"Nanganganib ang buhay niya. Alam kong alam niyo yon. Gusto ko siyang tulungan at hindi ko yon magagawa dahil hindi ko alam kung sino ang mga gustong pumatay sa kanya."
"Pero kahit kami ay hindi rin alam kung sino ang mga yon." sagot niya sa akin.
"Sino siya? Ano ang totoo niyang pangalan. At bakit gusto siyang patayin? Malaking tulong na ang impormasyong yon para sa akin Miss Riva. Magtulungan tayo."
Tumitig na naman siya sa akin na para bang pinag aaralan niya
