Alexa's POV
Hindi ko alam kung anong pumasok sa isip ko at bakit ako pumayag sa dinner na ito. Siguro dahil gutom na rin ako. O baka dahil hindi naman talaga ako makakatanggi kay Sir Oliver. Ang gulo.
"Alexa, ano ang gusto mo?" tanong niya habang binabasa ang menu.
"Hindi ba dapat ikaw ang mag-order? Ikaw naman ang nagyaya," sagot ko, sabay salubong ng kilay. Hindi ko mawari kung bakit ang lakas ng dating niya ngayong gabi.
Tumawa siya, 'yung tawa na para bang sinasadya niyang inisin ako. "Gusto ko lang naman malaman kung ano ang gusto mo. Pero sige, ako na ang bahala."
Bumaling siya sa waiter at nagsimulang mag-order. Hindi ko na sinundan ang sinasabi niya dahil mas abala akong pigilan ang sarili kong titigan siya. Ang gulo. Bakit ba ang gwapo niya kahit simpleng shirt lang ang suot?
