"Sigurado ka ba diyan Morgana? Alam mo naman siguro ang mangyayari kung sakaling papalpak tayo. Malaking delubyo ang babagsak sa atin. Hindi ka ba nag-iisip ng tama ha?!" Sambit muli ni Agathon na binasura ang suhestiyon ng babaeng si Morgana. Halata kasi na sobrang delikado ito kung gagawin nila ito nang hindi nagkakaroon ng anumang pagkapalpak.
"Sang-ayon rin ako sa sinabi ni Agathon, Morgana. Masasabi kong wala tayong basehan upang manalo tayo roon lalo pa't isa pa ring Martial Stardust Realm Expert si Master Gorrie at hindi natin maipagkakailang kaya pa rin nitong protektahan ang kaniyang sarili laban sa atin." Sambit ng lalaking nakasuot ng kulay pilak na roba na si Drad.
Napasimangot naman ang mukha ng babaeng si Morgana dahil sa sinabing ito ng dalawang lalaking kasamahan niya. Al
