BLAIR
“Mommy?” nagtatakang tawag ko dahil ramdam ko ang init ng yakap niya sa akin. “Hindi niyo po ako paparangaralan?” tanong ko para malinawan din ako kung bakit parang nag-iba si mommy.
“Pinangaralan mo na mismo ang sarili mo, sa tingin mo ba dapat ko pang gawin sa ‘yo ‘yun?” sinabi niya ang mga bagay na ‘yun habang yakap-yakap ako kaya muntik na akong maluha, buti na lang bumitaw siya kaagad ng yakap at nagkaharap kami uli habang kumakain pa rin sa gilid si Sophie. Sarap na sarap pa nga ata sa kinakain dahil dinig namin ang pagnguya niya ng kinakain niya.
“Yung isa pang sinabi ni Sophie... na sa agency ka nila papasok, seryoso ka ba talaga do’n Blair?” naiiyak-iyak pang sabi ni mommy kaya hinawakan ko ang dalawang kamay niya.
“Opo, ako po ang magdadala ng apelyido natin sa Starfiel
