BLAIR
Nauna na akong pumasok sa building matapos naming kumain sa labas nila Jamie at Blaze. Itatapon ko na sana ang mga basura sa tray ko pero nakasabay ko si Erick sa pag tapon. “Erick.” Tawag ni Jamie kay Erick, nasa likod ko na pala sila. Tumingin sa kaniya si Erick at ngumiti siya kay Jamie. Tuwing wala ang papa niya talaga siya ngumingiti, bakit kaya gano’n ‘tong lalaking ‘to? “Tapos ka na kumain?” tanong ni Jamie habang tinatapon niya rin ang basura sa tray niya, gano’n din si Blaze.
“Kasama niyo pala si Blaze?” nagkatitigan sila ni Blaze na akala mo ay mag-aaway pero hindi pala. Sabay kasi nilang iniwas ang tingin nila sa isa’t isa. Iniisip ko kung bakit niya pa tinanong ang bagay na ‘yun kung nakita naman niya kami kanina mula sa loob. Bago kami mag-umpisa sa pagkain ay tumingi
