“REALLY? YOU HAVE TO wear that red tiny dress?”
Pinigilan ni Victoria ang sarili na mapahalakhak. Nasa SM North Edsa silang dalawa para sa book launch at book signing nilang apat nina Dream de Gracia, Dawn Mendez, at Belle Dame. Napagtagumpayan nila ang hamon sa kanila ng kanilang publisher. Nasa event si Roberto para suportahan siya ngunit ang creative team nito ang bumuo ng campaigns at promotions nila. Libre ang serbisyo ng team at walang matatanggap na bill si Sir Four mula sa ahensiya. Sinamantala ng publisher ang “panliligaw” ni Roberto sa kanya.
Pinagmasdan ni Victoria ang libro niya na isa sa mga naka-display sa store ng PP. Hindi na niya kinaiinisan ang naisulat na kuwento. Nanumbalik ang pagmamahal niya sa mga karakter. Hindi na niya babaguhin ang naging takbo ng kuwento kahit
