HINDI PINAGBIGYAN ni Roberto ang gusto ni Victoria. Pakiramdam niya ay mas mapapalayo sa kanya ang dalaga kung aalis siya. Sinubukan niyang tumulong ngunit hindi siya hinayaan ni Victoria. Naging abala si Roberto sa pagsagot sa tanong ng mga kamag-anak nito at sa pagsunod sa bawat galaw ni Victoria. Nakita niya kung gaano nito kamahal ang lolo at lola nito. Sa tuwing lalapit ang dalaga sa dalawang matanda, hinahawakan o hinahagkan nito ang mga ito. The love in her eyes was immeasurable. Pakiramdam niya ay mas minahal niya si Victoria habang pinapanood itong kasama sina Mamu at Papu.
Narinig din ni Roberto ang napakaraming kuwento tungkol kay Victoria, kung gaano kabait at kamatulungin ang dalaga sa pamilya nito. Hindi lang minsan siya napagbantaan. Bahagya siyang natakot at nahiling na
