NAPANGITI SI VICTORIA nang makita ang kaligayahan sa mukha ng kanyang Mamu at Papu. Anniversary ng dalawang matanda at nakadalo ang lahat ng mga importanteng kapamilya at kaibigan sa salo-salo na inorganisa niya. Maraming handa. Dalawang baboy ang ipinakatay niya para sa okasyon na iyon. Nagkakasiyahan ang lahat. Ipinangako niya na hindi niya hahayaan ang sarili na umiyak o malungkot sa araw na iyon alang-alang sa kanyang Mamu at Papu. Magiging masaya siya dahil napapaligiran siya ng pamilya na mahal siya. Magiging masaya siya dahil may patunay na nag-e-exist pa rin ang happy ever after at forever. Kailangan lang niyang dalasan ang pagtingin kina Mamu at Papu.
Naging napakaabala niya sa pagsiguro na nasa ayos ang lahat. Tumulong siya sa pag-estima ng mga bisita. Masaya siyang makita ang
