Three weeks later...
HINDI INAKALA NI Victoria na kaya niyang magsulat nang ganoon kabilis. Isang record para sa kanya ang nangyari. Natapos niya ang erotic novel niya na may seventy-five thousand word count sa loob lamang ng tatlong linggo. Her ang naging title niyon.
Iyon marahil ang epekto ang heartbreak sa kanya. Upang hindi gaanong isipin ang nangyari ay itinuon niya ang buong enerhiya sa pagtatapos ng nobela. Sa katunayan ay parang nagsimula siya ng panibagong nobela. Hindi niya maituloy ang dating plot na nabuo niya kaya naisip niya na baguhin ang takbo ng kuwento. Pareho pa rin ang mga karakter ngunit ibang-iba sa naiplano niyang kalabasan ng kuwento. Na-reduce sa isang chapter ang halos labing-limang chapter na nabuo niya. Bumuo siya ng ibang karakter na pumalit sa bidang babae
