KEIRA POV
"DALHIN MO NA 'YAN DO'N." Halos ipagtulakan na ako ni Mama palabas ng pinto.
Nagluto siya ng dinuldol na saging para kay Michael at inuutusan niya akong dalhin.
"Ma, baka hindi siya kumakain niyan, eh." Pag-aalangan ko.
"Kakain siya niyan." Pamimilit niya.
"Paano kung hindi? E, 'di napahiya naman ako." Nakasimangot na sabi ko.
"Hindi 'yan. Imposible namang hindi kumakain ng saging 'yang bisita mo. Sige, na. Dalhin mo na para matikman na niya ang pangmalakasang dinuldol ng future byenan niya."
"Ma!" Eksaheradang saway ko.
Tinawanan lang niya ako at muling itinulak palabas.
Babalik sana ako, kaso eksaktong lumingon si Michael at nakita na niya ako. Wala na akong choice kundi ang lapitan siya dala ang dinuldol na saging ni Mama.
Huminto ako ilang hakbang mula sa puw
