KEIRA POV
HININTAY KONG BUMALIK si Michael, pero walang Michael na bumalik. Sabi niya kasi ay babalik siya bago siya mag-walk out nang araw na 'yon. But he didn't.
Kaya nang lumipas ang isang linggo na hindi pa rin siya bumalik, hindi na ako umasang babalik pa siya.
"Baka ayaw niya akong maging parte ng pamilya niya kung sakali. O, 'di kaya ay natauhan na." Pagsasalita kong mag-isa.
"Sino ba naman kasing matinong tao ang mag-aalok nang gano'n kalaking halaga para lang magpanggap? Dalawang milyon at full scholarship para sa apat kong kapatid? At kahit anong course pa raw?" Napaismid ako.
"Malamang natauhan 'yon kung ano ang inio-offer niya. Naisip niya siguro na malaki ang mawawala sa kaniya kung pinatulan ko ang offer niya. Imagine, paano kung maisipang mag-doktor, mag-abogado at
