KEIRA CERVANTES POV
Pagkatapos ng naging date namin ni Michael kahapon, para akong battery na nai-charge at ngayon ay full charge na.
Ang daming rason para maging ganito ang nararamdaman ko. Una, bumawi si Michael, ipinaramdam niyang espesyal ako sa buhay niya. Pangalawa, nangako siyang mapapapayag niya si Mico na ipagpatuloy ko ang aking pag-aaral. Pangatlo, sinabi niyang minsan uuwi kami sa probinsya para mabisita ko ang pamilya ko. At pang-apat sa rason kung bakit ako masaya ay dahil nakausap ko kagabi ang mga kapatid ko.
Hindi ko lang basta narinig ang mga boses nila, nakita ko rin sila. Sa pag-uusap namin, nalaman kong iniwanan pala sila ni Michael ng cellphone bago umalis doon para daw madalas ko na silang makausap at makita sa video call. At habang kausap ko ang mga kapatid ko,
