KEIRA POV
ILANG SANDALING nawalan ng kibo si Michael. Nakatingin lang siya sa akin na para bang naniniguro siya kung tama ang pagkakarinig niya na sinabi ko.
At para mas malinaw sa kaniya, inulit ko ang sinabi ko. "Sasama ako sa 'yo pabalik ng Maynila."
Umiling siya dahilan para kumunot ang noo ko.
"I think it's too late."
"Ha? Bakit?" Naguguluhan kong tanong. "Nakahanap ka na ba ng magpapanggap na Leira?"
"No."
"E, bakit? Hindi ko naman kukunin ang dalawang milyon, eh. Ang gusto ko lang ay makipagtulungan sa 'yo para kay Mico at para kay Leira."
"Yeah, but--"
"Gusto kitang tulungan." Walang paligoy-ligoy na pag-amin ko.
Natigilan siya. Halatang hindi niya inaasahan ang sinabi ko.
"Gusto kitang tulungan," ulit ko. "Kung hindi dahil sa ginawa ni Leira na pang-iiwan sa p
