"Saan mo ako dadalhin?" Kinakabahang tanong ni Alex nang paharurutin ni Rick ang sasakyan nito. Mahigpit ang kapit niya dahil sa bilis ng pagpapatakbo nito sa sasakyan.
"Dadalhin kita sa langit! Tapos na tayo sa ilalim ng lupa!" Nagpanting ang teynga ni Alex sa narinig. Tinapunan niya ng masamang tingin si Rick.
"Kung magpapakamatay ka huwag mo akong idamay! Gusto ko pang mabuhay," singhal niya rito dahil sa hindi mapigilang galit na nabuhay sa kanyang sistema. Nakita niya ang paggalaw ng panga nito. Tinapunan siya ng maikling tingin bago muling itinutok ang tingin sa daan.
"Saan ang bahay mo, ihahatid na kita," kapagdaka'y tanong nito. Inirapan lang ito ni Alex. Ayaw na ni Alex na magkaroon ng anumang connection kay Rick. Gusto niya agad maputol ang anumang naumpisahan ngayong gabi kay
