Madaling araw na siya nang makauwi. Dahil noong paalis siya sa hospital ay nagising si Keila at pinigilang muli sa pag-alis. Sinabi na lamang niyang babalik siya agad. Kailangan niya rin ng gamit para sa importanteng meeting na gaganapin na mamayang alas diyes ng umaga.
Nang makapasok siya sa bahay at papanhik na, nagulat siya noong makasalubong si Nanay Mering galing kuwarto nila ni Alex. May dala-dala itong tray ng pagkain na halos hindi nagalaw.
Nangunot ang noo niya. Ang matanda ay parang hindi na nagulat sa reaksiyon na kanyang ipinakita. Nagkibit balikat ito at lalagpas na sana sa kanya nang magsalita siya.
"Huwag ninyong buhaying parang prinsesa si Alex, Nay," puna niya sa matanda. Hindi niya maintindihan kung bakit kailangn pa nitong pagsilbihan si Alex. Anong oras na rin at gis
