Dali-daling pumasok sa shop si Alex. Lutang habang hilam ng luha ang mga mata. Nalamukos na ang imbitasyon sa kanyang kamay. Nanginginig ang katawan niyang pinilit na huwag mabuwal.
"Nandito..." napatigil si Annie sa pagsasalita ng mabungaran siya sa ganoong sitwasyon. Nagtuloy-tuloy lamang siya papasok sa kanyang opisina. Saka na siya tuluyang bumunghalit ng iyak pagkasara ng pinto. Napasandal siya roon at padausdos na napaupo.
Ang sakit-sakit. Hindi siya makahinga dahil sa sakit. Lalong napalakas ang iyak niya. Lumakas ang kanyang hagulgol. Dahilan ng pag-aalala ng kaibigan at pagkatok nito sa pinto.
"Alex?"
"Ang tanga-tanga ko, Annie. Napakalaki kong tanga para pakawalan pa siya. Ngayon tuluyan na siyang mawawala," hagulgol niyang pahikbi-hikbi.
"May magagawa pa ba tayo?" mahinang
