Inabala ni Rick ang sarili sa trabaho. Nakontak na niya ang abogado nila na asikasuhin ang annulment nila ni Alex. Ibinigay niya ang kagustuhan ni Alex. Palalayain niya ito. Ganoon niya kamahal ang asawa kaya wala siyang ibang gusto kundi pagbigyan at tuparin ang kagustuhan nitong lumaya.
Ano man ang dahilan ni Alex ay naiintindihan niya iyon. Mali nga naman ang naging simula nila noon. Marami ang nasaktan. Kaya napagpasyahan niyang itama ang lahat. Itatama niya ang maling simula nila, uumpisahan niya iyon sa pagpapalaya sa kanyang asawa.
Lagi rin siya sa Maynila pero hindi na niya pinag-aksayahan ng panahon na puntahan si Alex. Hindi niya ito susuyuin. Nagdesisyon siyang bigyan niya ito ng panahon na mag-isip at mag-move-on. Gaya ng kagustuhan nito.
Iisang babae ang gusto niyang makau
