Lalong naging bali-balita si Keila dahil sa pag-amin nito na engage na siya anim na buwan lang ang nakalipas. Tuloy, mas nalugmok sa pagsisi at kalungkutan si Alex, dahil hindi pa man napapawalang bisa ang kasal nila ni Rick na aabutin yata ng isang taon ay balak ng ikasal ang dalawa.
Naging pampalubag loob na lamang niya na tama ang ginawa niya. Magiging masaya si Rick lalo na at napapabalita rin na maaaring buntis si Keila kaya agad na na-engage at ngayon nga ay magpapakasal na. Naibalik na sa dati ang lahat. Maligaya na ang lahat. Siya? Sa malayo na lang uli pagmamasdan si Rick. Magmamahal pa rin sa lalaking dati pa lang naman ay hindi na niya talaga maabot.
"Ano'ng gusto mong kainin, Alex. Mag-oorder ako?"
Lumingon siya kay Annie na nakadungaw ang ulo sa pinto. Hawak nito ang tele
