Nagpatuloy ang biyahe nila sakay ng private helicopter ni Conrad. Hindi pa rin makapaniwala si Cassandra sa nangyayari ni hindi siya nakapag-paalam nang maayos sa Lola niya. Sa selpon niya lang ito nakausap kanina at sinabi niyang mawawala sila ni Conrad at hindi naman nagtanong ng kung anu-ano pa ang matanda.
Napabuntong hininga na lang siya. Kanina lang ay nasa Maynila sila at ngayon, papunta na sila sa Batanes dahil lang…
Napatingin siya kay Conrad, iniisip kung bakit biglaan itong pag-alis nila. Hindi naman siguro dahil lang kay Dr. Roman? Parang nakakatawa naman isipin kung nagselos ba si Conrad. Suntok sa buwan ‘yon!
Napapailing na lang sa sarili si Cassandra.
“Conrad…” tawag niya.
Hindi agad ito sumagot siguro ay hindi siya narinig kaya kinalabit niya ito.
Lumipas ang il
