Uminit ang buong katawan ni Lady Abby sa sobrang galit na nararamdaman. Kung wala ang presensiya ni Don Ismael ay baka patayin niya ang babaing kasama ni Mattias. Nangangati ang kamay niya na hugutin ang baril na naroon sa bag niya at iputok iyon sa ulo ng babae.
"Gail hija..." Nauutal pa rin ang boses ni Don Ismael. "This is just a misunderstanding. I assure you na..." Wala itong mahagilap na sasabihin.
Tipid na ngumiti ang dalaga at agad na nagsalita. "It's okay, dad." Mahinahon ang boses niya, ngunit sa kaloob-looban niya ay naroon ang sakit na hindi niya maintindihan. Parang pinupunit ang puso niya sa nasasaksihan. "Your son and I don't have any relationship."
"But..." Halata sa mukha ni Don Ismael ang galit habang nakatingin kay Mattias at sa babaing kasama nito na patuloy pa rin s
