"You have a nice place," nakangiting komento ni Lady Abby. Tapos na silang kumain at ngayon ay patagilid siyang nakasandal sa railings ng terrace. Tanaw niya sa ibaba ang olympic-size swimming pool.
Alas tres na ng hapon pero mataas pa rin ang sikat ng araw. Pasimple niyang pinasadahan ng tingin ang paligid. Walang tao sa ibaba kaya wala siyang magiging problema sakaling bumaba siya gamit ang lubid na hanggang ngayon ay nakakabit pa rin sa malaking bakal na naroon sa terrace.
Buo na sa utak niya na takasan si Mattias. Ayaw niyang magpahatid dito dahil wala siyang plano na palawigin pa ang pagkakakakilala nila. Oo, guwapo ito at aminado naman siya roon. Ngunit sa klase ng buhay na mayroon siya, ay mas gugustuhin niya na mag-isa sa buhay kaysa mandamay pa siya ng ibang tao.
Simula't sa
