Nakaupo lang si Lady Abby sa harap ng makeshift stage habang nagre-rehearse ang mga modelo sa pagrampa. Wala roon ang utak niya kundi na kay Mattias. Ilang linggo na simula nang huli silang magkasama at ngayon ay nami-miss niya ang binata.
"Ma'am," wika ng kaniyang sekretarya. "Mr. Lin wants to talk to you."
Walang narinig si Lady Abby. Nakatulala siya. Kung hindi pa nabuwal ang isang modelo ay hindi niya mapapansin na kanina pa siya kinakausap ni Myrna.
"Please tell him I am busy right now," tugon niya kay Myrna nang ulitin nito ang sinabi kanina. "Wala akong panahon makipag-usap sa taong iyon."
Nakilala niya noong nakaraang linggo si Mr. Lin. Isa ito sa mga dumalo sa launching ng summer collection ng kompanya. Negosyante ito na nagmamay-ari ng isang mall sa kabilang probinsiya. Maay
