"Galit na galit si Don Ismael, Boss," wika ni Islao. "Iyon ang sabi ng espiya ko." Ngumisi ito. "Unti-unti nang manghihina ang kanilang grupo dahil sa pagkamatay ni Andrew."
Ngumisi si Don Redentor. Nakaupo siya sa harap ng mahogany desk na naroon sa loob ng library. Kinuha niya ang baso na may lamang alak at sumimsim.
"Naisahan natin ang grupo nila. Nawala ang isa sa matinik niyang assassin. Ang akala siguro nila ay hindi natin malalaman kung saan nagtatago ang Andrew na 'yon."
"Tama, Boss. Sa katunayan, hanggang ngayon ay patuloy ang pag-iimbestiga nila kung sino ang may kagagawan niyon." Kinuha na rin ni Islao ang sariling baso at uminom ng alak.
"Ayokong ma-iugnay ang anak ko sa nangyari, Islao."
"Malinis po ang pagkakagawa namin, Boss. Kahit anong gawin nila ay wala silang makuk
