Hemira II 43 - Muling Pagsasama-sama
~Hemira~
Nagawa na kaming iluwa ng lagusang aking ginawa malapit sa palasyo.
Madilim na ang paligid at mukhang hatinggabi na rito o lagpas pa.
Inabot kami nang ganito katagal bago makarating dito dahil mukhang natunton ni Mades ang ginawa kong lagusan sa Nyelsa at siguradong ginawa niya ang lahat upang mapabalik ako sa lugar na iyon ngunit hindi siya nagtagumpay kaya naman nagawa naming mapunta sa lugar na ito.
Tumayo na ako habang buhat ang wala pa rin ang malay na si Yohan at nakatiklop lamang ang aking pakpak na si Serafina.
Hindi ko siya maaaring palabasin sa aking katawan dahil hindi ko naman sila mabubuhat pareho ni Yohan.
"Mahinang mahika lamang ang aking gagamitin upang makapasok tayo. Kailangan ko kayong dalhin sa loob ng palasyo upang m
