Lumipas ang isang buwan at hindi pa ulit nagkikita sina Thummy at James. Hindi tuloy alam ni Thummy kung ano nang nangyari sa binata. Hindi rin niya ito napagkikita sa pinagtatrabauhan nito. Maski sa lugar nila ay walang James na nag-aabang kapag ginagabi siya nang uwi. Wala ring text o tawag man lang galing sa binata. In short, walang paramdam at all.
‘Ano na kayang nangyari roon? Tuluyan na kaya silang nagkabalikan ng ex niya? Bakit naman hindi man lang siya nagpaalam sa akin?’ Malungkot siyang napabuntong hininga habang naglilitanya sa kaniyang isip.
“Thum, may gagawin ka ba after duty?” tanong ni Janice sa kaniya.
“Wala naman, bakit?” Hinarap niya ito saka tipid na nginitian.
“Samahan mo naman ako sa mall mamaya. Kung gusto mo lang naman. No pressure,” nakangiting sabi pa nito sa k
