“Brad, pasensiya na ha? Babawi ako sa inyo sa susunod,” hinging paumanhin ni James sa mga kaibigan at katrabaho niya.
Kagaya nga kasi nang sinabi niya kay Melissa, nag-under time siya para sabay silang mag-dinner nito. Ngayong gabi rin, ibibigay na niya sa dalaga ang hinihingi nitong chance para sa kanilang dalawa. Bahala na kung ano ang kalalabasan ng desisyon niyang iyon.
“Sus! Okay lang iyon brader! ‘Wag mo kaming alalahanin, humayo kayo’t magpakarami, este enjoy your night!” nakangising saad ni Jun sa kaniya.
“Loko-loko! Sige na mauuna na ako sa inyo. Salamat ulit!” paalam na niya sa mga ito, saka naglakad patungo sa kinaroroonan ni Melissa.
Nakangiti naman itong sinalubong siya nito. Inalalayan niya itong tumayo at agad namang umabrisyete ang babae sa kaniyang braso. Masaya naman
