“Hon, samahan mo naman ako sa mall. May gusto kasi akong bilihin noong nakaraan kaso hindi ko nabalikan dahil busy sa work. Okay lang ba?” tanong ni Melissa kay James.
“Sige,” matipid naman niyang sagot dito.
Isang buwan na ang nakalilipas simula noong huli silang nagkausap ni Grace. Nakikita pa rin naman niya ito kahit sa malayo. Palihim nga lang. Hindi naman sa tinataguan niya ito, pero nahihiya kasi siyang harapin ang dalaga. Hindi niya kasi alam kung paanong sasabihin dito na nagkabalikan na sila ni Melissa. Siguradong masasaktan niya ito. Hindi man ito umamin sa kaniya, alam niyang gusto rin siya ni Grace.
Sa totoo lang sa loob ng isang buwan na magkasama sila ni Melissa, si Grace ang palagi niyang naiisip. Sa tuwing maghahalikan, at yakapan sila ni Melissa, pakiramdam niya mali
