At nagpatuloy nga ang panunuyo ni James kay Grace. Araw-araw niya itong hinahatid, sundo sa trabaho nito. Kung minsan naman ay niyayaya niya itong mamasyal, o kaya’y manood ng sine. Mga classic na pamamaraan ng panliligaw. Binubusog din niya siyempre ito pagkain, dahil naniniwala siya sa kasabihang; ‘Para mapasagot mo ang babaeng nililigawan mo, kailangang busugin mo siya ng pagmamahal, at masasarap na pagkain. ’
“Uyyy, mukhang masarap iyan ah! ” sumisinghot-singhot pang wika ng kaniyang pinsang si Jerry.
Napangisi naman siya habang isinasalin sa lagayan ang niluto niyang kaldereta. Balak kasi niyang yayaing mag-picnic sana si Grace sa park na malapit sa kanila. Maiba lang ang panliligaw niya sa dalaga. Pinalo niya ang kamay ng kaniyang pinsan, nang tangkain nitong isawsaw ang daliri sa
