ALALANG-ALALA si Bella sa kalagayan ng matalik na kaibigan at sa dinadala nito. Palakad-lakad siya sa labas ng emergency room habang abot-abot ang panalangin na wala sanang mangyaring masama sa mag-ina.
Si Dwayne ay ganoon din. Pareho ni Bella ay hindi rin ito mapirmi sa kinatatayuan. Lubos na sinisisi ang sarili dahil sa pagkakalagay sa panganib ng magiging anak nila ni Jenny.
"Oh dear God. Please don't let something bad happen to them," taimtim na dasal ni Bella. Nang mapagod sa ginagawang pagpapalakad-lakad ay naupo siya sa bakanteng upuan sa labas ng emergency room.
Ilang sandali ay tahimik na lumapit sa kanya si Dwayne. Naupo ito sa bakanteng upuan sa tabi niya. Parang may gustong sabihin ngunit hindi makahanap ng tamang salita.
"Why, Dwyane? Bakit ka nagtangkang magpakamatay? Tap
