( Chapter 80 - Kalma ka lang, Tamara. )
Tamara's POV
Na-traffic kami sa daan dahil may biglang may aksidente pa na nangyari. Kung kailan nagmamadali kami ay saka pa nagkaroon ng aberya. Tumingin ako sa labas. May naririnig ako na nagsisigawan at umiiyak. Pakiramdam ko ay grabe ang nangyaring aksidente roon.
"Sandali nga lang at titignan ko kung anong nangyari doon," paalam niya sa akin at saka lumabas sa sasakyan habang suot-suot ang balanggot.
Napabuntong hininga ako. Kinuha ko ang phone ko. Sinubukan kong tawagan si papa, pero hindi ito sumasagot. Malakas ang kutob ko na wala siyang dalang cellphone ngayon. Nang ibabalik ko na sana sa bag ang phone ko ay bigla namang napatawag si mama sa akin. Agad ko iyong sinagot dahil pakiramdam ko ay tungkol kay papa ang kaniyang sasabihin.
"Hel
