( Chapter 85 - Normal sila, ikaw lang ang hindi. )
Kinn's POV
Pasado alas otso na ng gabi. Ramdam ko na ang pangangapal ng balat. Anumang oras ay kusa na akong magta-transfrom sa pagiging asong lobo kaya ang ginawa ko ay sumuot na lang ako sa alam kong may gubat na mapupuntahan. Hindi ko alam kung saan ako napadpad. Basta nang makakita ako ng liblib at mapunong lugar ay doon na lang ako sumuot. Paghinto ko sa may gitna ng gubat ay napansin kong pamilyar ang isang malaking bahay nasa naroon. Kung hindi ako nagkakamali ay likod ito ng mansyon nila Tamara.
Nang maramdaman kong magpapalit na ako ng anyo ay dali-dali ulit akong pumasok sa loob ng kotse para hubarin ang mga saplot ko. Kapag hinayaan ko kasing masira iyon ay wala akong damit na masusuot kapag naging tao ulit ako mamaya. Nang m
