( Chapter 77 - Ang ganti ni Tamara sa mga bruha )
Tamara's POV
Nakatingin sa akin ang mga tiyahin ko nang bumalik ako sa lamesa namin ni papa. Alam siguro nila na aawayin ako ni Lazana. Ang pinagtataka lang nila ay ayos ako ngayon at nauna pa akong lumabas kaysa kay Lazana. Isa lang ang ibig sabihin, nanalo ako at natalo ko na ngayon si Lazana. Hindi sa lahat ng oras maaapi nila ang isang tao, lalo na ngayon na alam kong kakaiba ako.
May mga pagkain na nang dumating ako sa lamesa namin ni papa. Tamang-tama, hindi pa ako nagla-lunch kaya sinabayan ko na rin si papa.
"Saan ka ba nagpunta? Kanina pa ako walang kasama dito. Huwag kang aalis at medyo masama kasi ang pakiramdam ko," sabi niya kaya napatitig ako sa kanya. Kaya naman pala kakaiba ang itsura niya ngayon. Halata naman kasi.
"Na
