Pabagsak akong humiga sa kama at huminga ng malalim. Nakatingin lamang ako sa kisame habang hindi pa rin matanggal sa isipan ko ang nangyari. Marami na akong napagdaang problema pero patuloy pa rin akong humaharap sa panibagong hamon ng buhay at tinatatagan ang loob.
Iniisip ko kung saan ko siya maaaring hanapin. Ang hirap lang dahil hahanapin ko ang taong ayaw namang magpakita sa akin. Nasaan na ba siya? Kung bumalik siya para sa akin, bakit hindi na siya nagpakitang muli sa akin? Ang daya niya, alam na niya sa una pa lang na ako ang kababata niya pero hindi man lang niya sinabi sa akin. Ano bang balak niya? Binigyan niya ako ng gift sa birthday ko at nasabi niya pa sa letter na tutuparin niya lahat ng ipinangako niya sa akin noong bago siya umalis. Pero magpahanggang ngayon ay hindi pa
