“Ibaba mo si Aya, Ancel!” Gigil na dinuro-duro ni Tatay si Ancel. Madilim rin ang mga mata nito na nakatitig sa kanya.
Sa tagal na panahon na nakasama ko ang pamilya nila, ngayon ko lang nakita si Tatay na nagalit ng ganito. Mas nakakakaba dahil hindi ko pa alam kung bakit siya nagkakaganito at bakit narito ang buong pamilya.
“Ewan ko naman sa inyo, Tay. Hindi man lang ba kayo nagtaka? Hindi n’yo naisip kung bakit biglang may sumulpot na kamag-anak si Aya rito? E, nagtatago nga ‘yan!”
Napalabi ako at napayuko kalaunan. Alam na pala nila ang totoo. At si Camille, hindi niya man alam ang totoong dahilan kung bakit ako nagtatago, alam naman niya na takot ako na may makaka-alam kung saan ako naroon.
Napasulyap ako kay Ancel na ngayon ay todo yuko na ang ginawa. Imbes nga na ibaba niya
